Dërguar Ministrit të Arsimit Z. Genc Pollo

I nderuar z. ministër ju lutem lexojeni këtë letër para se ta dërgoni në Recycle Bin (kosh plehrash). Unë që po ju shkruaj këtë letër jam një maturant që pres nga ju drejtësi dhe barazi në gjykimin dhe vlerësimin e maturantëve. Po ju drejtohem juve si personaliteti me i lartë i institucionit që drejtoni me shpresën e mirë se ne fund te leximit të të vërtetave të shk ruara në këtë faqe mbi padrejtësinë që është bërë gjatë zhvillimit te provimit te matematikës të merrni një vendim te zgjuar dhe të drejtë (ashtu si i takon një ministri). Ashtu si shumë maturant që kanë punuar ne mënyrë të ndershme e të moralshme ne këtë provim edhe unë kërkoj nga ju që të gjykoni me drejtësi pasi mësuesit që ju keni caktuar për kryerjen e një synimi të tillë nuk e kanë realizuar aspak detyrën për të cilën janë ngarkuar. Shumë mësues (sigurisht jo të gjithë dhe këtu bëhet padrejtësia më e madhe) jo vetëm që kanë lejuar kopjimin por edhe kanë dhënë kontributin e tyre në realizimin e saj. Ne klasën ku unë bëja provimin, një nxënësi i është lejuar kopjimi dhe dalja jashtë (gjoja ne banje) gjatë orës se provimit për tu rikthyer përsëri ne provim. Në një klasë tjetër (siç më tregon një shok me mendjemadhësi) jo vetëm është lejuar kopjimi në mënyrë të hapur por abuzimi ka arritur deri aty saqë vëzhguesja e provimit rrinte tek dera për t’i mbrojtur nxënësi t në rast se shikonte ndonjë vëzhgues që i afrohej kësaj klase. Në fillim të provimit kjo mësuese kishte thënë: “UNË JAM NËNË NË RRADH TË PARË DHE PASTAJ MËSUESE”. Un i kujtoj kësaj mësueseje dhe shumë të tjerave si ajo një thënie të famshme të romantikut më të madh francez, Viktor Hygo i cili thotë: Te jesh i mirë është e lehtë; vështirë është të jesh i drejtë. Pra megjithëse kjo mësuese ka qenë e mirë me disa nxënës ka qenë shumë e padrejte me shume të tjerë pasi ajo e din shumë mirë se shumë nxënësve të tjerë nuk u mundësohet një gjë e tillë.

Shkeljet vazhdojnë edhe më keq. Një shok, emrin e të cilit nuk dua ta tregoj, por po e përmend historinë e tij për të treguar se si ai kanë vepruar edhe shumë të tjerë, para provimit më tha: Nëna ime e njeh vëzhguesen dhe do të më lejoj kopjimin. Ky nxënës jo vetëm që kishte kopjuar por që në minutat e para të provimit kishte dalë jashtë klasës dhe ishte rikthyer pas 10 minutash, kohe kjo e mjaftueshme për të marr ndonjë informacion. Gjithashtu janë bërë kopjime qesharake. Nxënësit e një klase ne mungesë të letrave ku të shkruanin për t’u dhënë informacion njëri-tjetrit kanë grisur ambalazhet e shisheve te ujit dhe kanë shkruar nga pjesa e bardhë e saj dhe i hidhnin njëri-tjetrit mënyrën e zgjidhjes së ushtrimit. Këto janë vetëm disa nga shkeljet që janë kryer në shkollën time por të tilla njihen shumë edhe ne shkollat e tjera. Sigurisht të tilla gjëra mund të kenë ndodhur edhe ne provimin e letërsisë ndonëse jo në këtë masë sepse ka një mënyrë tjetër trajtimi. Prandaj për të shmangur efektin negativ te këtij provimi do të ishte mirë ti jepnit me shume përparësi provimeve me zgjedhje. Dhe këto provime të mos zhvillohen në asnjë mënyrë nëpër shkolla sepse të tilla shkelje do të bëheshin përsëri, por të gjithë nxënësit që do japin p.sh. kiminë te vendosen ne ambiente te mëdha ku te ketë mundësi vëzhgimi me kamera dhe nga punonjës të besuar të ministrisë tuaj. Një thënie profetike thotë: “Sad o që e vërteta të jetë e hidhur për njerëzit, flitni të vërtetën!” Kjo është arsyeja pse po jua them të vërtetën sepse nuk ka njeri që të mos e dojë lirinë (barazinë, të vërtetën), por njeriu i drejtë e kërkon për të gjithë kurse i padrejti vetëm për veten. Z. Ministër në fund të kësaj letre po ju kujtoj një thënie afrikane: S’ka fitore me fjalë, S’ka mbrojtje pa armë. Ju jeni arma jonë e fundit kundër korrupsionit dhe pabarazisë ndaj te lutem në emër të se drejtës dhe të vërtetës ta shikoni këtë çështje me ndershmëri dhe pastërti. Nuk dua që emri im të bëhet publik pasi unë mund të ndëshkohem më keq nga të gjithë madje edhe nga shokët.

Ju lutem më konfirmoni me E-MAIL kur ta lexoni këtë shkrim.
Faleminderit për mirëkuptimin tuaj.

Nga Adil Demuçaj, Tiranë