Zure sinadura dantzan.com-en alde

dantzan.com-eko zerrendakide guztioi:

Orain aste batzuk dantzan.com-en laguntzaile taldea osatzeko deialdia bidali genuen. Zuetako batzuk erantzun diozue deialdi horri eta taldea osatuta dago.

Orain, bagatoz dantzan.com laguntzeko lehenbiziko kanpainarekin: dantzan.com-en aldeko babes gutuna.

Zertan erabiliko da: dantzan.com elkartea dirulaguntza edo babesa eskatzera doan erakundeei aurkezteko, babes argumentu gisa.

NOLA SINATU dantzan.com-en ALDE?

Oso erraz. Beherago daukazu babes gutuna (testu laburra da), eta ondoren, zure izena eta datuak idazteko formularioa.
Formularioa bete eta egin klik "Submit" / "Bidali" / "Enviar" botoian
Formularioa bete dezakezu mezu honetan bertan, edo bestela, Google docs-en dagoen dokumentu orijinalera eramango zaituen loturan klik eginda (hau ere beherago daukazu, azalpen hauen ondoren).
Datu hauek dantzan.com-ek kudeatzen duen datu basean jasoko dira.

Oharra: formularioan telefonoa eskatu dugu erakundeen aurrean konfiantza argumentu bezala (nahi izango balute konfirmatu benetan sinatu duzula babes-gutuna); eta e-maila, gero zuei (sinatzen dutenei) kanpaina honen emaitzaren berri emateko.

EPEAK:

Bi epe daude. Bata, oso premiazkoa: OTSAILAK 16 (astebete). Gipuzkoako Foru Aldundiak eskatu digu oso epe laburrean aurkeztea sektorearen babes-gutuna, oraintxe ari baitira dirulaguntzak aztertzen (gero beranduegi izan daiteke).
Horren ostean ere, jarraituko dugu atxekimenduak jasotzen, datozen artean (baina lehen bait lehen hobe)

Aldez aurretik, eskerrik asko zure laguntzagatik.

Jarraian, babes-gutuna eta formularioa

If you have trouble viewing or submitting this form, you can fill it out online:
https://docs.google.com/spreadsheet/viewform?formkey=dF8xV0lFQmc1WG52ekdNYlRfUUM2d2c6MQ

dantzan.com-en aldeko babes-gutuna

Azpian sinatzen dugunok, honakoa adierazten dugu: Dantzan.com... ...dantzaren alorreko informazio iturri oparoa da. Dantza tradizionalari dagokionean, egunean egoteko erreferentzia. ...dantza tradizionalaren sektorearen bilgune da, etengabeko elikatzailea, sektorearen elkar-harremana eta kohesioa ahalbidetzen ditu, eta bere jarduerak dantzaren alorra dinamizatzen du. ... dantza tradizionalean etengabeko formakuntzarako baliabide da, eta dantza tradizionalaren kalitatea hobetzeko agente aktibo garrantzitsua. ...bakarra da. Betetzen duen zerbitzua ez du gaur egun beste inork hain modu eskuragarrian eta arinean eskaintzen. Horrenbestez: dantzan.com elkarteak eskaintzen duen zerbitzua oso baliagarria zaigu gure jarduerarako. Gure ustez zilegi da, eta beharrezkoa, dantzan.com zerbitzua diru publikoz babestea, euskal dantza tradizionalaren onerako. Elkarte baten izenean sinatzeko A atala; norbanakoaren izenean sinatzeko B atala.

Powered by Google Docs Report Abuse - Terms of Service - Additional Terms

--

HERRIXA DANTZAN

Euskal Herriko eta Europako plaza dantzak

Tel. 943 78 90 70

www.herrixadantzan.com

headers

Oier Araolaza | 9 Feb 10:52

Claude Gaignebet

Claude Gaignebet, frantziar folklorista eta inauterietan espezialista handia hil dela (otsailaren 5ean zendu da) jakinarazi dit Juan Antonio Urbeltz-ek (Bedaxagarren bidez jaso du berria).

oier.

headers

dantzan.com | 1 Feb 14:50

Lapurdiko inauteriak, 33 urte argitalpen batean

Pasa den urtarrilaren 14an, Dantzan Ikasi programan Thierry Truffaut-ekin "Lapurdiko inauteriak eta bere lehengusuak" izeneko saioa burutu genuen. Bertan inauterien oinarrizko azalpenetatik abiatuta, Europan ohikoak diren hainbat ezaugarri eta azkenik Lapurdiko inauteriaren inguruko xehetasunak ezagutzeko aukera izan genuen. Baina horrekin batera liburu berri eta berezi baten iragarpena egin zigun. Azken 33 urteotan, Lapurdiko inauteriaren inguruan egindako ikerketa eta bilketa lan handiaren emaitza, oso osorik, bere dokumentu, ohar, idazlan, argazki eta agiri guztiekin, argitaratu eta "emango" du argitalpen baten bidez Thierry Truffaut-ek.

"Herritarrengandik jasotakoa herritarrei itzuli" nahi diola adierazi zigun Truffaut-ek, eta beraz, material guzti hori, 3.500 orrialdez osatutako lan-mardula, argitaratu eta lapurtar eta inauterizale guztien eskura jarriko du. Liburu bat eta hiru DVDk osatzen dute argitalpena, eta izenburua "Vers un inventaire des traditions carnavalesques et hivernales de la province du Labourd” du. Jose Migel Barandiaran Fundazioak argitaratuta, Lapurdiko 40 herritako inauteriei buruzko testigantzak, albisteak, agiriak, argazkiak jasotzen ditu. Ez bakarrik Thierry Truffaut-ek idatzitakoak, baizik eta baita beste ikertzaile batzuk egindako lanak ere. Otsailaren 4an, Baionan, Eusko Ikaskuntzaren egoitzan egingo da lan honen aurkezpena. Dantzan Ikasiren blogean jaso dugu jardunaldiko kronika eta liburu berriaren aipamena.

http://www.dantzan.com/blogak/dantzanikasi/lapurdiko-inauteriak-kronika

headers

HERRIXA DANTZAN | 17 Jan 13:24

dantzan.com laguntzeko deialdia

dantzan.com-en jarraitzaileoi deialdia:

dantzan.com itxi beharra dela, eta bere etorkizuna kolokan dagoela, zale batzuk adierazi dugu "zerbait" egin nahi genukeela zerbitzu hau bizirauten eta indartzen laguntzeko.

Bakoitzak bere arrazoiak izan ditzake: dantzan.com-ek ematen diguna baloratzen dugulako, edo informazio iturri nagusiena delako, edo sektorearen elkar harremanerako oso garrantzitsua iruditzen zaigulako, edo asko zor diogulako... Arrazoiak arrazoi, bere zereginean aurrera jarraitzea nahi genukeelako (eta ahal bada, indartzea).

Horregatik, erabiltzaile, onuradun, eta interesatu garen aldetik, nahi baldin badugu dantzan.com-ek aurrera egitea, batek baino gehiagok adierazi dugu gure ardura ere badela, helburu horren alde gure esku dagoen ahalegina egitea.

Hainbat gara jarrera hau azaldu dugunak, bai foroan, bai itxieraren albistean utzitako erantzunetan, bai ahoz zuzenean: "kontatu nirekin", "hemen nago, behar duzuenerako"... eta halakoak.

Hau idazten ari naizena Patxi Montero naiz, dantza ikaslea (beti), dantza irakaslea, eta Herrixa Dantzan ekimenaren sustatzailea.

Beste batzurekin ere hitz eginda, dantzan.com-eko arduradunei zera proposatu diet: proiektuaren alde nola edo hala (gutxi edo asko) parte hartzeko edo ekarpenen bat egiteko prest egon gaitezkeen lagunak bildu, eta "zerbait" egiten has gaitezen.

Proposamena aztertuta, ontzat hartuta, eta adostuta, hementxe dator orain...

DEIALDIA: (ofiziala edo....)

dantzan.com inporta bazaizu
dantzan.com-ek aurrera jarraitzea nahi baduzu
Helburu honetarako "zerbait" egiteko prest baldin bazaude (zure aletxoa jartzeko prest)...

... esaiguzu. Adieraz iezaiguzu helbide honetara idatzita: herrixadantzan-Re5JQEeQqe8AvxtiuMwx3w@public.gmane.org (helbide honetatik koordinatuko da momentuz deialdi hau).

Ahal baduzu, zehaztu ezazu baita ere zertarako zauden prest, edo zein izan daitekeen zure ekarpena: dirua (ejem...), denbora (ejem, ejem...), lan puntuala, ideiaren bat proposatzea, hausnarketan parte hartzea, ekimen bat aurrera eramatea, agintariengana jotzea... ekarpen oro izan daiteke baliagarria.

EPEA: egizu berehala!! Gehiegi luza ez dadin, astebeteko epea emango dugu (ondoren ere jarraituko dugu atxikipenak jasotzen, noski).

ZER EGINGO DUGU? ZEIN DA ASMOA?

Lehenbizi, beste ezer baino lehen, prest gaudenon izen eta helbideak jaso (deialdi honen bitartez).
Ondoren (jasotako erantzunaren arabera), seguru asko bilera baterako deia egingo genuke. Bilera horretan:

Egoera zehatza zein den azaldu, eta beharrak zeintzuk diren.
Bildutakoen ahalmena zein den neurtu: zertan den norberak egin dezakeen ekarpena, eta zenbaterainokoa.
Lan ildo edo estrategia bideragarriak finkatu: zer - nola - nork egin (ikus AZALPENAK)

Ondoren, lanean jarri, taldeak berak definitutakoaren arabera.

AZALPENAK:

Aldez aurretik ez daukagu ezer definituta (estrategia zehatzik)
Hainbat izan daitezke aurrera eramateko bideak, eta batak ez du bestea kentzen: dela erakundeengana jotzea babes bila, dela idatzizko atxikipenen kanpaina bat abiatzea, dela lan batzuk aurrera eramateko ordu batzuk eskaintzea (lan bolondresa), dela ideiak proposatzea, dela hausnarketan parte hartzea, dela autofinantziaketarako bideak bilatzea, dela kanpaina edo ekimen zehatzak garatzea... guztiak dira interesgarriak.
Biltzen garenok definitiko dugu zer egin nahi dugun, zer egin dezakegun, nola egin dezakegun, eta noraino, nork bere alea jarrita.
Ikusten duzuenez, deialdia erabat irekia da, eta aukera guztiak ere irekita daude, zuen ekarpenen zain.
dantzan.com-ek izaera propioa du, autonomoa. Bere sortzaile-arduradun-langileak ditu, eta bere erabakiak hartzen ditu. Deialdi honekin ez dugu ierarkia hori apurtu edo ordezkatu nahi, baizik eta dantzan.com-en laguntzaile taldea osatu ("babes taldea" izena ere aipatu da), proiektua laguntzeko gure borondate eta ahalegin onena jarrita.

OHARRA:

dantzan.com-en oniritzia daukat dinamika hau bultzatu eta koordinatzeko. Deialdi orokorra egitea neure proposamena izan denez, ardura neure gain hartzea eskaini dut, baina jakina, dantzan.com-EKIN adostasunean eramango dut aurrera.

Zuen erantzunen zain, agur bero bat.

Patxi

--

HERRIXA DANTZAN

Euskal Herriko eta Europako plaza dantzak

Tel. 943 78 90 70

www.herrixadantzan.com

headers

dantzan.com | 10 Jan 19:01

itxieraren oihartzuna

Dantzazaleon mezuez gain, hainbat blog eta komunikabidek ere aipatu dute dantzan.com-en itxieraren berria. Hona horien bilduma:

http://www.dantzan.com/albisteak/dantzancom-itxi/#1326216051

Horiez gain, hainbat aipamen eta animo mezu izan dira sare sozialetan (twitter eta facebook-en) eta hainbat email, eta telefono dei jaso ditugu elkartasuna, laguntasuna, pena eta babesa adierazten.

Mila esker den-denori.

headers

Mikel Goitia | 30 Dec 20:18

Re: dantzan.com itxi beharrean gaude

Amorruz beteta, ezin dot besterik sentitu. Dantza Taldekoentzako komunikabide beharrezkoa da dantzan.com. Ez dakit, ziur guztiok gurako genuela zeozer egin egoera hau aldatzeko. Eskerrik asko emondakoagaitik, eta ez deigula itxi “soka dantza” hau apurtu deien!!!!!

From: Gari Otamendi

Sent: Friday, December 30, 2011 6:39 PM

To: Dantzan zerrenda

Subject: Re: [dantzan] dantzan.com itxi beharrean gaude

Albiste txarra eta tristea inondik ere. Oso tristea. Sentimendu gehiago ere sortzen dizkio bati: ezintasunak amorrua, ixteareb tristura, gurearen moduko gremio atomizatuan hamar urtez albisteak etengabe eman dituen talde baten kide (epe motzean) izanaren harrotasuna...

Dantzan.com webgune erreferentea da dantzarientzat eta Interneteko euskal komunitatean gune garrantzitsu bat. Eta "da" diot, eta ez "izan da". Espero dut laster izatea berriz martxan.

Ez nuke besterik nahi, eta uste dut Euskal Herriko dantzarion komunitatearen zati handi baten izenean esan dezakedala azken hori.

Eskerrik asko dantzan.com! Eta segi dezala aunitz urtez!

<dantzari-DqbNnZW6eopBDgjK7y7TUQ@public.gmane.org> igorleak hau idatzi zuen (2011eko aberen 30a 18:04):

Diru-laguntzen beherakada eta bestelako diru-iturrien urritzearen ondorioz, dantzan.com itxi beharrean aurkitu gara, ezin baitugu orain hamar urte abiatu genuen gune hau ekonomikoki mantentzen jarraitu. Ez dugu amore eman nahi, eta saiatuko gara finantzabidea eskuratzen lehenbaitlehen berriz martxan egoteko, baina bitartean, eta urtarrilaren 1etik aurrera webgunea ezingo dugu elikatzen jarraitu.

dantzan.com itxi beharrean gaude
dantzan.com - 2011/12/30
http://www.dantzan.com/albisteak/dantzancom-itxi

_______________________________________________
Harpidetza eteteko, bidali mezua hona: Dantzan-request-/9qXvnWia/9Wk0Htik3J/w@public.gmane.org
izenburuan jarriz 'unsubscribe' (horixe bakarrik, komatxorik gabe)

Ondoren konfirmazio mezua jasoko duzu harpidetza-etetea berresteko.

--
Tutto a posto, niente in ordine

_______________________________________________
Harpidetza eteteko, bidali mezua hona: Dantzan-request-/9qXvnWia/9Wk0Htik3J/w@public.gmane.org
izenburuan jarriz 'unsubscribe' (horixe bakarrik, komatxorik gabe)

Ondoren konfirmazio mezua jasoko duzu harpidetza-etetea berresteko.

headers

dantzari | 30 Dec 18:04

dantzan.com itxi beharrean gaude

Diru-laguntzen beherakada eta bestelako diru-iturrien urritzearen ondorioz, dantzan.com itxi beharrean aurkitu gara, ezin baitugu orain hamar urte abiatu genuen gune hau ekonomikoki mantentzen jarraitu. Ez dugu amore eman nahi, eta saiatuko gara finantzabidea eskuratzen lehenbaitlehen berriz martxan egoteko, baina bitartean, eta urtarrilaren 1etik aurrera webgunea ezingo dugu elikatzen jarraitu.

dantzan.com itxi beharrean gaude
dantzan.com - 2011/12/30
http://www.dantzan.com/albisteak/dantzancom-itxi

headers

dantzari | 30 Dec 17:31

Inauterien eta axeri-dantzen inguruko ikastaroak Dantzan Ikasin

Urtarrilean bi ikastaro eskaini dira Dantzan Ikasi egitarauan. Thierry Truffaut-ek Lapurdiko eta Europako inauterien inguruan jardungo du, eta bestetik, Andoaingo axeri-dantza elkarteak axeri-dantzaren inguruko ikastaroa eskainiko du.

Inauterien eta axeri-dantzen inguruko ikastaroak Dantzan Ikasin
Dantzan Ikasi - 2011/12/30
http://www.dantzan.com/albisteak/inauteriak-axeri-dantza-dantzan-ikasi

headers

dantzari | 30 Dec 16:59

Dantza tradizionalaren dokumentazio mapa

Dantzaren dokumentazio zentroaren eskaera sistematikoa izan da sektorearen aldetik azken urteotan. Eskaera horie aurre egin beharrean, luzamendutan ibili da administrazioa, eta saihetseko ihes horietako bat txostenak enkargatzea izaten da. Horrela enkargatu zitzaion Eusko Ikaskuntzari dantza tradizionalaren dokumentazio mapa bat egitea. Ikerketa bukatu ondoren, Jaurlaritzan, kajoi batean gordeta geratu zen eta han egin du urtebete. Txosten hori argitaratzea erabaki dugu, interesgarria delako, eta hasierako aldarrikapena nabarmen uzten duelako: euskal dantzaren dokumentazio zentro bat behar da.

Dantza tradizionalaren dokumentazio mapa
dantzan.com - 2011/12/30
http://www.dantzan.com/albisteak/dantza-tradizionalaren-dokumentazio-mapa

headers

dantzari | 30 Dec 13:28

Euskaldunak eta Dantza 7. gala emango du Telebilbaok urte berri egunean

2011an Euskadin izan den dantza ekitaldi nabarmenetakotzat hartu denak hamabost minutuko txalo zaparrada jaso zuen ikusleak zutik jarrita. Arrakastaren gakoetako bat MIkel Laboaren 'Baga, biga, higa'" eta Itoizen 'Lau teilatu" abestietan oinarrituta Jon Ugarrizak egindako 'Kai' balletaren estreinaldi distiratsua izan zen. Emanaldiaren bukaeran, Eduardo Velascok mahai ingurua gidatuko du Jon Ugarriza koreografoarekin, Andoni Aresti zuzendari artistikoarekin eta Adolfo Yebra ABBEko lehendakariarekin.

Euskaldunak eta Dantza 7. gala emango du Telebilbaok urte berri egunean
Iratxe de Arantzibia - 2011/12/30
http://www.dantzan.com/albisteak/euskaldunak-eta-dantza-7-gala-emango-du-telebilbaok-urte-berri-egunean

headers

dantzari | 30 Dec 11:06

Euskal amerikar artzainen festa 1963 [Bideoa]

Beste altxor eder bat sareratu du gaur Andra Mari dantzari taldeak. Walt Disney Productions-en 1963ko filme baten zatia da. "Greta, the misfit Greyhound", Disneyk telebisarako egindako serie baten atala izan zen, eta bertan, ameriketako euskal artzain batzuen eszena bat ageri da. Karrokanpo baten ondoa lau gizonek festa egiten dute, soinua jo, kantatu eta dantzatu. Boiseko OInkari dantza taldeko musikari eta anima izandako Jimmy Jausoro da soinua jotzen ageri dena. Berarekin ageri direnak John "Takolo" Txakartegi, eta Jose Mari Sangroniz dira. Ah zer opariak urte bukaera honetarako! http://www.andramaridantzataldea.com/eus/index.php

Euskal amerikar artzainen festa 1963
http://www.dantzan.com/bideoak/euskal-amerikar-artzainen-festa-1963

6	February 2012
15	January 2012
72	December 2011
71	November 2011
52	October 2011
71	September 2011
11	August 2011
69	July 2011
82	June 2011
82	May 2011
72	April 2011
90	March 2011
73	February 2011
67	January 2011
44	December 2010
65	November 2010
70	October 2010
65	September 2010
13	August 2010
70	July 2010
72	June 2010
60	May 2010
73	April 2010
54	March 2010
53	February 2010
45	January 2010
41	December 2009
63	November 2009
72	October 2009
103	September 2009
15	August 2009
63	July 2009
92	June 2009
73	May 2009
55	April 2009
42	March 2009
60	February 2009
45	January 2009
61	December 2008
45	November 2008
65	October 2008
56	September 2008
21	August 2008
66	July 2008
78	June 2008
63	May 2008
94	April 2008
40	March 2008
59	February 2008
66	January 2008
44	December 2007
46	November 2007
111	October 2007
49	September 2007
23	August 2007
55	July 2007
48	June 2007
46	May 2007
28	April 2007
31	March 2007
39	February 2007
36	January 2007
32	December 2006
79	November 2006
66	October 2006
68	September 2006
16	August 2006
63	July 2006
61	June 2006
66	May 2006
24	April 2006
36	March 2006
43	February 2006
37	January 2006
36	December 2005
39	November 2005
37	October 2005
48	September 2005
7	August 2005
33	July 2005
47	June 2005
43	May 2005
32	April 2005
31	March 2005
44	February 2005
80	January 2005
40	December 2004
45	November 2004
37	October 2004
39	September 2004
4	August 2004
23	July 2004
36	June 2004
34	May 2004
29	April 2004
34	March 2004
25	February 2004
23	January 2004
32	December 2003
46	November 2003
28	October 2003
26	September 2003
7	August 2003
44	July 2003
33	June 2003
24	May 2003
18	April 2003
3	March 2003
31	February 2003
19	January 2003
15	December 2002
22	November 2002
25	October 2002
23	September 2002
10	August 2002
12	July 2002
33	June 2002
36	May 2002
47	April 2002
28	March 2002
30	February 2002
70	January 2002
18	December 2001
26	November 2001
35	October 2001
23	September 2001
15	August 2001
43	July 2001
37	June 2001
22	May 2001
5	April 2001
6	March 2001
19	February 2001
6	January 2001
1	December 2000
5	October 2000
11	May 2000
1	March 2000
1	January 2000

Mon	Tue	Wed	Thu	Fri	Sat	Sun

		1	2	3	4	5
6	7	8	9	10	11	12
13	14	15	16	17	18	19
20	21	22	23	24	25	26
27	28	29